Այս պահին Հայաստանի հարավային շրջաններում բնական ռադիոակտիվ ֆոնի որևէ փոփոխություն չի արձանագրվել, հայտնում է Միջուկային և ռադիացիոն անվտանգության գիտատեխնիկական կենտրոնը:
Նշվում է, որ Իրանի միջուկային օբյեկտների ռմբակոծություններից հետո կենտրոնի մասնագետները շտապ մեկնել են Սյունիքի մարզ՝ դոզիմետրիկ չափումներ իրականացնելու նպատակով։
Չափումները կատարվել են մի շարք բնակավայրերում, այդ թվում՝ Մեղրի, Ագարակ և Քաջարան համայնքներում։
Միջուկային և ռադիացիոն անվտանգության գիտատեխնիկական կենտրոնը շարունակում է իրականացնել իրավիճակի մոնիտորիգ։
Իսրայելն ու Իրանը շարունակում են հարվածները միմյանց ուղղությամբ:
