Լատվիայի Սեյմն օրինագիծ է ընդունել, որով արգելում է պատգամավորներին և պաշտոնյաներին Ռուսաստան և Բելառուս մեկնել: Նրանք պետք է ստանան հատուկ թույլտվություն այդ երկրներ մեկնելու համար, հաղորդում է Delfi-ն։
Արգելքը վերաբերում է պետական գաղտնիքներին հասանելիություն ունեցող անձանց, կարևորագույն ենթակառուցվածքների անվտանգության համար պատասխանատու անձանց, ներքին գործերի, պաշտպանության և արդարադատության նախարարությունների աշխատակիցներին, դրանց իրավասության տակ գտնվող հաստատություններին, ռազմական օբյեկտներին, կոռուպցիայի կանխարգելման և պայքարի բյուրոյին, մաքսային ծառայությանը։
Նրանց ոչ միայն արգելվում է մեկնել Ռուսաստան և Բելառուս, այլև մուտք գործել այդ երկրների տարածք նույնիսկ տարանցիկ նպատակներով: Բացառություններ հնարավոր են միայն հատուկ թույլտվությամբ՝ եթե ուղևորությունը անհրաժեշտ է պաշտոնական հրամանով կամ մարդասիրական պատճառներով: